Tuesday, 22 May 2018

EFCC Ta Kama Tsohon Dan Takara Gwamnan Jihar Sokoto Da Tsohon  Ministan Ruwa Da Wasu 3

EFCC Ta Kama Tsohon Dan Takara Gwamnan Jihar Sokoto Da Tsohon  Ministan Ruwa Da Wasu 3

DAGA CMRD A'B ZUBAIRU 

Hukumar EFCC ta kai wa wasu jiga-jigan jam'iyyar PDP samame a jihar Sokoto bisa zargin su da karba 500,000000 a shekarar 2015.

Friday, 18 May 2018

Shugaba Buhari ya saki kudi domin yashe kogin Kwara don arewa ta karbi jiragen ruwa.

Zaman majalisar kasa na wannan mako, ya sahale sakin biliyoyin nairori, wadanda za'a yi amfani dasu don jawo teku zuwa arewacin kasar nan har zuwa jigar Neja, dama sayo wasu jiragen ruwa da kudin Turai Yuro 21m don jawo jiragen maqare da kaya zuwa arewa.

Ministan Sufuri shine ya bada wadannan bayanai a jiya laraba, bayan zaman na majalisar kasar,
inda ya fayyace yadda za'a fara aikin, wanda a baya shugaba Umaru Musa Yar aduwa ya saki kudi don ayi, amma daga rasuwar sa, wanda ya gaje shi, ya dakile aikin.

Anyi hakan ne don saukaka cunkoso a gabar tekun ta kudu, da saukaka wa arewa shigo da kaya har yankin cikin sauki, inda za'a fara sauke kaya a Baro ta jihar Neja.

Za dai a fadada wasu yankuna na ruwan na Neja, wanda aka baiwa wani kamfani Biara Concept Nig. Ltd.

A gefe guda kuma, za'a samar da gada a garin Karu, sai aikin ruwa a jihar Bauci da Calabar, da wasu manyan tituna da zasu hado kudu da arewar kasar nan.

Yawanci ayyukan shekaru biyu zasu dauka ana yi duk da dai Saura shekara daya wannan zango na mulki ya kare, shuwagabannin su mika mulki ga wasu zababbu, ko kuma su zarce a karo na biyu in an zabo su.

Kwankwaso ba zai iya hana shugaba Buhari cin kano ba – Inji El-Rufa'i

Gwamnan jihar Kaduna Nasir El-Rufai ya yi ba'a da shagube ga wasu kusoshin jam'iyyar APC dake barazanar barin jam'iyyar, inda yace barin jam'iyyar tasu bazai hana Shugaban kasa Muhammadu Buhari lashe zabe ba a 2019.

A kwanakin baya dai wasu manyan 'yan siyasa wadanda suka sauya sheka daga PDP zuwa APC a 2014, suka yi zargin cewa an mayar dasu saniyar ware tare da barazanar daukar mataki idan har ba a biya musu bukatunsu ba.

Sai dai Gwamna E-Rufa'i ya yi masu hannunka mai sanda inda yace barinsu jam’iyyar ba zai hana shugaban kasar kawo jihohinsu a 2019 ba.

Da yake zantawa da manema labarai ranar Talata, El-Rufai, ya ce"tun shekarar 2003 shugaban ke lashe zabe a Kano."Ya cigaba da cewa idan aka yi duba ga yawan mutanen da suka fito saboda tarban Buhari, za a ga cewa Kano wuri ne da shugaban ya ke da magoya baya sosai
Ya kuma ce, wannan gangamin taro ya faru ne ba tare da jama'ar Kwankwaso ba.

Kotu ta dage shari’ar Sanata Dino Melaye har sai baba ta gani

Wata babbar kotun birnin tarayya a ranar Alhamis ta daga sauraron shari’ar Sanata Dino Melaye na jihar Kogi, dagawar da babu wani lokacin sake zama tabbatacce sakamakon matsalar rashin lafiyarsa.

Hukumar ‘Yan Sanda tana karar Sanata Melaye ne a birnin tarayya da kuma garin Lokoja, inda a birnin tarayya suke zarginsa da yunkurin kashe kansa da kuma bata kayan gwamnati, wanda sanadiyar haka aka kwantar da shi a asibiti.

A garin Lokoja kuma ‘Yan Sandan na tuhumarsa da laifin yiwa hukumar karya da kuma bawa ‘yan ta’adda makamai.

Alkalin na birnin tarayya Olasunbo Goodluck, ya bukaci Lauyan wanda ake kara, Rickey Tarfa, ya bayar da kwakkwaran bayani game da rashin bayyanar Melaye a gaban kotun a ranar Laraba, inda ya gabatar da takardunsa na asibiti a gaban kotun.

Sakamakon haka kotun ta gamsu da cewa Mr. Melaye, yana kwance a asibiti bangaren wadanda ake bawa kulawa ta musamman, wanda dalilin hakan ne Alkalin kotun Goodluck ya daga shari’ar dagawa ta har sai baba ta gani.

Najeriya zata hadu da fushin Allah idan gwamnati bata saki El-Zakzaky ba – Sheikh Dahiru Bauchi

Babban malamin nan a Najeriya Sheikh dahiru usman Bauchi yayi kira ga gwamnatin shugaban kasa Muhammadu Buhari da a zauna domin tattaunawa game da Shugaban kungiyar shi’a El-zakzaky.

A cewarsa ya kamata a samu mafita domin a sake shi ya je ya nemi lafiya, idan har gwamnati tayi haka to lallai babu shakka za'a kara samun zaman lafiya a kasar.

Shehin malamin yaci gaba da cewa kin sakin El-zakzaky wata jarabawa ce da Allah zai jarabci wannan kasar da ita, saboda shugaban shi’an malamine na addinin musulunci, sannan kuma  tsare shi ba tare da wata hujja ba ,kuma ba'a nuna alamar yana da laifi ba ,to lallai Allah zaiyi fushi da wannan kasar.

Sheik Dahiru Bauchi ya kammala bayanansa da cewar malamai dai sune magada annabawa idan aka muzguna masu to babu shakka za'a fuskanci fushin Allah, kuma shi fushin Allah babu dan ba ruwa na kowa da kowa zata shafa.

Daga karshe shehin ya bawa gwamnati shawara data saki El-zakzaky a nema masa lafiya a kasar waje.

Ayyuka miliyan 9 aka rasa a karkashin mulkin Buhari ~Kingsley Mohgalu


Tsohon mataimakin gwamnan babban bankin Najeriya, Farfesa Kingsley Moghalu, yace kayar dashugaba Buhari a zaben 2019 abu ne mai sauki.

Moghalu wanda ke neman takarar shugaban kasa a shekarar 2019 ya bayyana hakan ne a ranar Laraba, lokacin da yake kaddamar da kungiyar magoya bayansa a garin Awka dake jihar Anambra.

Moghalu yace Buhari ya zubar da mutuncinsa a idon mutanen Najeriya wadanda suka tsaya masa yaci zabe a shekarar 2015.

Yace zai yi amfani da rashin kokarin da Buhari yayi a mulkinsa a matsayin makamin da zai yi amfani dashi don ya kada Buhari zabe a shekarar 2019.

Yana mai karawa da cewa tinanin da mutane keyi na cewa shugaban kasa a shekarar 2019,ya kasance dan arewa wannan rashin tunani ne kuma an kori wannan tunanin ma daga Najeriya.

Sojoji Sun Tarwatsa Mafakar 'Yan Boko Haram A Jihar Borno


Lamarin wanda ya auku a kauyen Abaganaram a jiya Alhamis, bayan kashe 'yan Boko Baram guda biyu tare da kama 11 a raye da sojojin suka yi, sun kuma kwace makamai da dama a wurinsu.

Wani Dan Majalisa Ya Gabatar Da Kudirin Hana Matasa Yin Cacar 'Naija Bet'

DAGA MUKHTAR HALIRU TAMBUWAL SOKOTO

Dan majalisar dokokin jihar Sokoto mai wakiltar Sokoto ta arewa ta daya a majalisar Hon Malami Bajare a ranar Laraba ya kai kokensa kan yadda matasa kashi 70 cikin 100 suka tsunduma a cikin cacar naija bet, wadda hakan ya sabawa koyarwa irin ta addinin islama, haka zaliki tarbiyar matasa da dama ta fara gurbacewa a ta dalilin haka.

Ya kara da cewa naija bet caca ce da ta samo asali shekaru dari da doriya wadda aka kirkira domin a hallakar da dubban musulmi, shi ya sa aka sako harkokin wasanni a cikinta domin an san musulmai da yawa suna sha'awar harkokin wasanni musamman kwallon kafa.

Daga karshe ya yi kira da a yi kokarin ganin cewa an dakile wannan wuta da ta taso mai kokarin kona dukkanin tarbiyar da aka san jihar Sokoto da ita, ta hanyar yakar shugabanni wannan lalura.

Muna rokon Allah ya taimaki Malami Bajare akan irin wadannan kudurorri masu amfani da yake kaiwa gaban majalisa.

Wednesday, 16 May 2018

NAYI NADAMAR AURE NA FARKO~ Fati Muhammad


Daga Nijeriyarmu a yau

Tsohuwar fitacciyar jarumar nan ta masana’antar Kannywood, Fati Muhammad, ta bayyana auren jarumi Sani Musa Mai Iska a matsayin babbar nadamar ta a rayuwa.

Jarumar ta bayyana hakan ne a cikin wata hira da tayi da Manema labaru inda ta bayyana cewa ta amince da cewa kowa na da jarrabawar da Allah ya ke yi masa sannan kuma tace ita dai jarabawarta ta fannin aure take.

Jarumar ta kara nanata maganarta da tayi a baya inda tace ba fa zata kara auren dan fim ba koma waye.

Daga karshe kuma jarumar ta bayyana jarumi Ali Nuhu a matsayin wanda take darajtawa fiye da kowa a masana’antar fim; kamar yadda majiyar Al'ummata ta wallafa


Idan za ku iya tunawa Fati Muhammad ita ce ta fito a cikin tsohon fim din nan na Sangaya tare da jarumi Ali Nuhu, a matsayin Zubain,
Babu shakka annan fim din ne ya fito da ita.

Ana zargin wani Uba da yayiwa ‘yar cikinsa mai shekaru 15 ciki a Gombe

‘Yan sanda sun gurfanar da Mutuma mai suna Samaila Zakari mai shekaru 50 gaban kotun majistire a jihar Gombe bisa zargin dirkawa ‘yarsa cikin shege.

Rahotan da ‘yan sanda suka gabatar a kotun ya nuna cewa, Mutumin da ake zargi mazaunin garin Deba ya aikata laifin ne ranar 2 da kuma 8 ga watan Mayun da ya gabata, da misalin ƙarfe 10pm na dare yayi lalata da ita ba tare da sanin ta ba.

Ɗan sanda mai gabatar da ƙara ya shaidawa kotun cewa yanzu haka ‘yar Sama’ilan na ɗauke da juna biyun da yayi mata na watanni biyu.

Wanda ake zargin da aikata laifin yayi amfani da wayo wajen yi wa yarinyar fyaɗe wanda hakan laifi ne da ya saɓawa sashi na 390 da kuma 282 na kundin shari’a. A cewar 'Dan sandan.

Amma sai dai ana shi ɓarin, wanda ake zargi Samaila Zakari ya musanta aikata laifin.

Bisa wannan dalili ne Ɗan sanda mai gabatar da kara ya bukaci da a ɗage shari’ar domin basu damar zurfafa bincike.

Nan take mai shari’a Mr Dorabo Sikam ya karɓi buƙatar hakan, kana ya ɗage shari’ar zuwa 21 ga watan Mayu domin cigaba da sauraron ƙarar sannan ya sanya a tisa keyar wanda ake zargin zuwa gidan Maza.

Anga watan Ramadan a Zamafara da wasu jihohi

Rahotanni daga jahar Zamfara da kuma wasu sassan Nigeria suna bayyana cewa anga jaririn watan Ramadan.

Hausa Times ta ruwaito tuni masallatai a Jihar Kaduna da wasu sassan kasarnan suka fara sanarwa a lasifika domin jama'a su dauki harama. Kazalika Hausa Times ta ruwaito tuni wasu masallatan suka fara gudanar da sallar tarawihi a yau.

Kawo yanzu dai ana dakon sanarwa a hukumance daga fadar mai alfarma Sarkin Musulmi wanda shi keda hurumin bayar da sanarwa.

Shugaba Buhari Ya Amince A Kashe Naira Bilyan Goma Domin Gyara Yankunan Da 'Yan Ta'adda Suka Lalata

Shugaban kasa Muhammadu Buhari ya amince da kashe naira bilyan goma don gyara yankunan da hare-haren 'yan ta'adda ya lalata.

Yayin da mataimakin shugaban kasa, Yemi Osinbajo zai sanya ido akan aikin domin ganin an farfado da dukkanin yankunan da aka lalata.

Masu karatu ko me za ku ce akan wannan batu na kashe wannan kudaden?

Daga Real Sani Twoeffect Yawuri.

Rikici Ya Barke Tsakanin Matasan Binanchi Da Na Iraki A Jihar Sokoto


Daga Mukhtar Haliru Sokoto

Fada ya sake barkewa tsakanin Binanchi da Iraki, inda yanzu haka ana dauki ba dadi tsakanin matasan unguwannin.

Cikin daren jiya ne matasan Iraki fiye da mutane dari dauke da makamai suka lababo inda suka raunata fiye da mutane goma, wayuwar garin yau su kuma suka shirya zuwa daukar fansa.

Dukkanin dauki ba da'din da ake yi a garkar mai alfarma sarkin musulmi ne ake yinsa, Allah ya kawo mana dauki.

MADOGARA MUDASSIRU BINANCHI

Malaman Darika Sun Dace Da Mabiya, Sai Dai Mabiyan Ne Ba Su Dace Da Malamai Ba, Inji Sheikh Yusuf Sambo Rigachikum

An bayyana cewar a fili yake Shehunnan Darika sun dace da mabiya masu tsananin biyayya a gare su ido rufe, amma su mabiyan ne ba su mori Malamai wadanda za su dora su akan tafarki mikakke na Sunnar Annabi Muhammadu SAW ba, wanda hakan ne dalilin jefa mabiyansu cikin dimuwa da fagamniya a rayuwarsu.

Mataimakin Shugaban Majalisar Malamai na Kungiyar Jama'atu Izalatul Bidi'ah Wa Ikamatus Sunnah na kasa baki daya Sheikh Yusuf Muhammad Sambo Rigachikum ya bayyana hakan, a yayin da yake tsokaci dangane da ikirarin da 'Yan Darika suka yi na cewar wai sun ga Shehun su Ibrahim Nyass karara a jikin fitilar haska Titi a yayin gudanar da mauludin da sukayi na Shehun a Abuja, a wata tattaunawar da yayi da manema labarai a gidan shi dake Rigachikum Kaduna.

Sheikh Sambo Rigachikum ya cigaba da cewar, ko shakka babu tsananin makauniyar biyayya da kauna ido rufe da 'Yan Darika ke yiwa Shehunnan su ya sanya suka amince da wannan magana, amma maimakon Malaman nasu su fito fili su gaya musu gaskiya, sai suka kara burma su, suka tabbatar musu da cewar lallai Shehu Nyass aka gani cikin fitila, sannan kuma ana ganin shi a wurare daban daban kamar a jikin bango ko a bayan daki ko kuma a jikin madubi da sauran wasu wurare, wanda su kansu Malaman da ke fadin haka sun san ba gaskiya suke fada ba, amma saboda wasu dalilai na son zuciya sai su kayi amfani da jahilcin mabiyan su suka kara kifar da su, " Ai idan akwai wanda ya dace ace ana gani bayan rasuwarshi to Annabi Muhammadu ne, amma babu inda akaji labarin cewar Sahabbai ko Tabi'ai sun ganshi bayan rasuwar shi, a bisa ga wannan da akwai damuwa kwarai da gaske da yadda Malaman Darika ke cutar da mabiyan su ta hanyar cewa ana ganin wani Mahaluki bayan mutuwar shi, idan da ace Malaman Darika za su mayar da hankali wajen karantar da mabiyan su addini yadda yake to wallahi da an samu kyakkyawan cigaba, duba da irin biyayyar da sukeyi wa Malaman nasu, akan haka nake kara jaddada cewar Shehunnan Darika sun dace da mabiya, Mabiyan ne basu dace da Malamai ba " Inji shi.

Dangane da batun Watan Ramadan da za'a shiga ciki kuwa, babban Malamin yayi kira ga Jama'ar Musulmi da su kara gyara halayen su gami da tuba zuwa ga Ubangiji, sannan su kyautata mu'amulolin su da juna, 'Yan kasuwa suji tsoron Allah kada su tsawwala farashin kayayyaki,  sannan Malamai masu Tafsirai su gudanar da Tafsiran su akan tsari da karantarwar sunnar Annabi, a kauce wa dukkanin wani yarfe da huce haushi akan wani, domin Munbarin tafsiri ba fage na banbadanci da tumasanci ba, waje ne na ilimantar da Al'umma Addinin Musulunci.

Sheikh Yusuf Muhammad Sambo Rigachikum ya kuma yi Addu'a ga Jihar Kaduna da kasa Nijeriya gaba daya na Allah ya zaunar da kasar lafiya, dukkanin fitintinu dake addabar kasar Allah ya kawo saukin su, Allah ya sa mu dace da alkhairan dake cikin wannan wata mai alfarma na Ramadan, sannan yayi Addu'ar Allah ya Jikan Malamai magabata wadanda suka rigamu gidan gaskiya, kamar su Sheikh Abubakar Mahmud Gumi da Sheikh Ismail Zakariyya Jos da Sheikh Jafar Mahmud Adam da sauran Al'ummar Musulmi gaba daya.

Mutane Ba Su Da Amana A Yau — Buhari

▪Ba Buhari Kadai Ba Ne Mai Gaskiya — Dogara

Shugaba Muhammad Buhari ya bayyana cewa a yau mutane ba su dauki cin amana a matsayin laifi ba a maimaikon haka rashin amana ya zama wata dabi'a a tsakanin al'ummar.

Buhari ya yi wannan ikirarin ne a lokacin da bude sabon hedkwatar hukumar EFCC inda ya ce yaki da rashawa na da matukar wahala saboda ya shafi rassa daban daban na rayuwar al'umma.

A nasa bangaren, Shugaban Majalisar Wakilai, Yakubu Dogara ya yi ikirarin cewa har yanzu akwai milyoyin 'yan Nijeriya wadanda ke da gaskiya da rikon amana ba ya ga Shugaba Muhammad Buhari.

Gwamnati Ta Bada Kwangilar Dala Bilyan 6.68 Na Hanyar Jirgin Kasa Na Kaduna Zuwa Ibadan

Gwamnatin tarayya ta rattaba hannu kan wata yarjejeniya da kamfanin kasar China mai suna "China Civil Engineering Construction Corporation (CCECC)" na kashe Dala Bilyan 6.68 wajen aikin hanyar jirgin kasa na Kaduna zuwa Ibadan.

Daraktan Yada Labarai na Ma'aikatar Sufuri, Misis Yetunde Sonaike ce ta sanar da hakan inda ta nuna cewa Ministan Sufuri, Rotimi Ameachi ne ya rattaba hannu a madadin gwamnatin tarayya.

Ganduje Ya Sulhunta Rikicin Majalisar Dokokin Kano


Gwamnan Kano, Injiniya Abdullahi Ganduje ya samu nasarar sulhunta 'yan majalisar dokokin jihar wadanda ke shirin tsige Shugaban Majalisar, Alhaji Abdullahi Atta.

Tun a ranar Litinin ne dai, aka rufe majalisar inda wata majiya ta tabbatar da cewa jami'in da ke kula da sandar iko na majalisar ya boye sandar don ganin yunkurin tsige Shugaban majalisar bai samu nasara ba.

Gaskiya Kwankwaso Ya Yi Min Halacci, Inji Ganduje


Gwamnan jihar Kano Dr Abdullahi Umar Ganduje ya ce hakika tsohon Gwamna Sanata Rabi'u Kwankwaso ya taimake shi a shekarun da suka shafe suna siyasa tare.

Ganduje ya shaida wa majiyar mu ta BBC cewa sun shafe fiye da shekara 20 suna tafiyar siyasa tare da tsohon mai gidan nasa.

"Mun shafe shekaru muna siyasa tare... kuma ya taimake ni, ni ma na taimake shi, a zaman da muka yi," in ji Ganduje.

Manyan 'yan siyasar na Kano ba sa ga-maciji da juna tun bayan zaben shekarar 2015, inda tsohon Gwamnan na Kano Kwankwaso ya goyi bayan mataimakinsa Ganduje.

Bangaren Kwankwasiyya dai na zargin Ganduje da cin amanarsu da bita-da-kulli ta hanyar yin watsi da tsarin asalin gwamnatinsa.

Sai dai Gwamna Ganduje ya ce "a ganinmu ba a ci amanarsa ba sai idan shi ne bai fahimci abin da ake nufi da cin amana ba."

"Idan yana nufin cin amana shi ne, shi ya ba ni mulkin jihar Kano, ba Allah ba, to ina ganin wannan akidar da ya dauka haka ne."

Ya kara da cewa; "idan kuma ya dauka cewa ya taimake ni na zama gwamnan jihar Kano, amma kuma yana mun tadiya yadda gwamnati na ba za ta yi nasara ba, shi yake nufi da cin amana, to mu ba ma kallonsa a matsayin shi ne cin amana."

Da aka tambayi Ganduje kan dalilin da ya sa ya kori 'yan Kwankwasiyya daga gwamnatinsa, sai ya ce, "na yi watsi da su ne saboda yadda suka dinga yi wa gwamnat na zagon-kasa."

Ganduje ya ce "babu gwamnan da zai yarda ana ma sa zagon kasa a gwamnati, ko Kwankwaso ba zai yarda da haka ba."

Har ila yau Ganduje ya ce ba kamar yadda 'yan Kwankwasiyya ke nuna wa ba, shi kwararren dan siyasa ne.

"A ganinsu ba Allah ne yake ba da mulki ba, goyon bayansu ne, kuma ni a zaune kawai nake aka dauko ni aka ba ni, amma ni ma gogaggen dan siyasa ne," a cewar gwamnan, wanda ke shirin neman wa'adi na biyu.

'Ni ne kashin bayan jar hula'

Gwamnan ya ce babu yadda za a yi mutum ya haifi da, "daga baya kuma ya dawo ya ce zai dauki wuka ya yanka dan."

Rikicin Ganduje da Kwankwaso ya raba Jam'iyyar APC gida biyu a Kano, tsakanin bangaren da ke ganin yana takama da karfin gwamnati da kuma bangaren da ke ikirarin rinjayen goyon bayan jama'a.

Ganduje da magoya bayansa sun dage cewa babu wata illa da wannan rikici zai yi ga nasarar jam'iyyar a zabe mai zuwa, kuma za su iya lashe zabensu ba tare da wata matsala ba.

Sai dai wadansu masana na ganin akwai sake, inda suke cewa jam'iyyar APC za ta iya fuskantar babbar matsala matukar bangarorin biyu ba su shawo kan matsalolinsu ba.

*Rahoton BBC

Sunday, 13 May 2018

AMBALIYAR RUWA A KANO: Gyara Kayanka Dai Ba Zai Zama Sauke Mu Raba Ba

DAGA ABBA ADAM ISAH

A madadin 'yan karamar hukumar Fagge matsabar Kwachiri muna kira da babbar murya akan a taimaka a fitar da mu wannan kangi da muke cikin na wannan aiki na alkairi da Dan majalisar jiha na kano da ya fara, amma yana nema ya zama aika-aika ga mazauna yankin. Saboda yadda ruwa ya yi ambaliya har cikin dakunan mutane, katifu da gadaje suna yawo saman ruwa. Hakan zai sa mazauna yankin su kasance cikin fargaba a duk lokacin da hadari ya hadu za a yi ruwa kai koda iska mai karfi ce ta kada sai hankulansu sun tashi saboda hali na ni 'ya su da suke tunanin za su shiga idan ruwan sama ya sauka.

Ya kamata dai idan dama an tsiri yin wannan aiki ne ya zama kwalli na kanfen 2019 to ga wata shawara a bi gidaje daya bayan daya a raba musu kwale-kwale domin tsallake ruwa idan gari ya waye domin siyo abun kari da kuma kai yara makaranta da fita harkokin yau da kullum saboda matasan yankunan ko zama da dogon wando ba sa yi saboda gudun kota kwanan ceton tsofaffi da kuma tsallakar da yara kanana daga gaba zuwa gaba.

Saturday, 12 May 2018

Kotu Ta Tabbatar Da Gwamna M.A Abubakar A Matsayin Halastaccen Gwamnan Bauchi

Kotun koli ta tabbatar da Barista Muhammad Abdullahi Abubakar a matsayin halataccen Gwamnan jihar Bauchi.

Idan ba a manta ba, Abdullahi Tanko Orlando ya gabatar da kara a gaban Kotu har ta kai ga Kotun koli na kalubalantar zaben fidda gwani da jam'iyyar APC ta yi a lokacin zaben fitar da gwani a 2015 wanda M.A ya yi nasara.

A yayin yanke hukunci a yau Juma'a Alkalin Kotun babban mai Shara'a, Mai Shari'a Utterle ya ce Tanko a karkashin doka ba shi da hurumin kalubalantar zaben fitar da gwani bayan an yi babban zabe.

Majiyar da cewa Shari'ar mai lamba ST/854/2015 ta kawo karshe a yau tare da tabbatar da Batista Mohammed Abdullahi Abubakar a matsayin Gwamna mai cikakken iko.

An Sauya Sunan Wani Asibiti A Kano Zuwa Sunan Isiyaka Rabi'u

Daga Anas Saminu Ja'en

A wata sanarwa da kwamishinan yada labarin jihar Kano Malam Muhammad Garba ya sanyawa hannu, ya ce majalisar dokokin jihar Kano a karkashin jagorancin Gwamna Abdullahi Umar Ganduje ya amince da sakawa asibitin yara na Zoo suna zuwa Khalifa Sheikh Isyaku Rabi'u Pediatric Hospital.

Wannan abu ya yi daidai Allah Ta'ala ya gafartawa Malam ya kai rahama gare shi tare da magabatan mu baki daya.

Dubunsa Ta Cika Bayan Ya Je Sata A Babban Asibitin Jihar Kaduna Amma Kofa Ta Ki Buduwa

Dubun wani barawo da yake shiga  dakunan masu jinya dake babban asibitin jihar Kaduna na Yusif Dan Tsoho da aka fi sani da Asibitin Dutse yana dauke-dauke ta cika.

An dai kama shi ne bayan ya yi shigar burtu ya shiga bangaren maza, inda  ya yi kamar yana jinyar wani ne, inda bayan kowa ya yi barci ya bi ya kwashe musu wayoyi.

Saidai bayan kwashe wayoyin ne asirin sa ya tuno, bayan ta tarar da kofar sashin a kulle kamar yadda aka saba idan dare ya yi ana kulle duk  kofofin sashi na asibitin.

Yanzu haka dai dukkan wandanda ya satarwa wayoyin sun karbi kayansu, sannan suka damka shi ga jami'an tsaron dake kula da asibitin domin ci gaba da bincikarsa.

Friday, 4 May 2018

KANO: Daliban jami’ar kimiyya ta Wudil sun yi zanga zanga kan mutuwar wani dalibi

Daliban jami’ar kimiyya da fasa ta Wudil a jihar Kano sun yi zanga zanga a harabar Makarantar domin nuna rashin jin dadinsu kan yadda wani dalibi ya rasu a ruwan wudil.

Lamarin dai ya auku ne a lokacin da wasu dalibai su uku, sun je wanka a cikin kogin Wudil ne, inda suka nitse a ruwa, biyu daga cikinsu sun ci nasarar tsira da ransu, yayin da daya dalibin mai suna Farouk Abubakar dan aji uku ya nitse.

A lokacin da lamarin ya auku daliban sun yi gaggawar kai labarin zuwa makaranta, inda aka nemi Sarkin Ruwa na garin Wudil da misalin karfe 6:30na yamma domin samu a ceto rayuwar dalibin, shi kuma yace sam basa shiga ruwa idan duhu yayi.

A wannan yanayi ne dalibin Farouk Abubakar ya rasu, Farouk dalibi ne dake karantar kimiyyar tsirrai a aji na uku, kafin Allah yayi masa cikawa a ranar Laraba.

Daliban dai sun tare hanyar da ta hada Wudil zuwa Gaya, inda suka yi ta kone kone da fashe fashe akan hanya, Shugaban makarantar Shehu Alhaji, ya ja hankalin daliban da su zauna lafiya, a lokacin da ya ziyarci gabar ruwan inda aka ciro gawar dalibin bayan ya rasu.

Haka kuma, Shugaban makarantar ya bayar da hutun ranakunn Alhamis da Juma’a domin nuna alhinin rasuwar dalibin.

Jagoran siyasar jihar Gombe ya kaddamar da motocin daukar marassa lafiya.

Da safiyar yau Mai girma jagoran siyasar jihar Gombe Sanata Danjuma Goje, ya kaddamar da Sabin motocin daukar marrasa lafiya Guda 5 ga asibitoci Daka yankin Gombe ta'tsaya.

Motocin da aka raba Guda biyar, an rabasu ne ga asibitocin Zambuk, Hinna, Deba, Kalshingi, Kumo, da Akko gari.

Cikin jawabinsa yayin mika motocin ga al'ummar yankin Gombe ta'tsakiya sanata Danjuma Goje yace irin wadannan motoci ya rabasu a lokacin da yake Gwamna jiha, kasan cewar yadda motocin suka lalace yasa ya kawo sabi don rabasu ga asibitocin yankin Gombe ta'tsakiya.

Muhammad Adamu Yayari
05-04-2018

PDP Za Ta Kwace Jihohi 27 Daga APC A Zaben 2019 — Atiku


Tsohon Mataimakin Shugaban Kasa, Atiku Abubakar ya yi ikirarin cewa jam'iyyar PDP za ta kwato akalla jihohi 27 daga jam'iyyar APC a zaben 2019 yana mai cewa al'ummar Najeriya sun dawo rakiyar APC .

Tsohon Mataimakin Shugaban kasar ya ce gwamnatin APC ta jefa 'yan Najeriya cikin yanayin kuncin rayuwa inda ya jaddada cewa shugabannin dake mulkin kasar a yanzu, ba su taka rawa wajen gwagwarmayar ganin tsarin dimokradiyya ya samu gindin zama a Najeriya ba.

Thursday, 3 May 2018

Masarauta Dutse Ta Tsige Mustapha Sule Lamido A Matsayin Hakimin Bamaina

Masarautar Dutse Karkashin Jagorancin Mai Martaba Sarkin Dutse, Alh  Nuhu Muhammadu Sunusi, Ta Tsige Mustapha Sule Lamido Daga Matsayinsa Na Sarautar Hakimin Dutse Sabo Da Wasu Dalilai.

Tun Farko Dai Masarautar Dutse Ce Ta Takaddar Da Mustapha Sule Lamido Daga Sarautar Shi, Bayan Da Karamar Hukumar Birnin Kudu Ta Shigar Da Takkaddar Koke Akan Shiga Harkokin Siyasa Da Yakeyi A Matsayinsa Na Hakimi Mai Kasa.

Tuni Masarautar Dutse Ta Tura Sabon Hakimi Wanda Zai ci gaba Da Kula Da Yankin Bamaina A Matsayin Sabon Hakimi.

Sai Dai Masarautar Ta Dutse Ta ce Mustapha Sule Lamido Zai Iya Ci gaba Da Amfani Da Sunan shi Na Sarautar San Turaki.

Dama Dai An Nada Mustapha Sule Lamido Ne A Matsayin Hakimin Bamaina A Lokacin Mulkin Sule Lamido.

Monday, 30 April 2018

A Karshe Kotu Ta Damka Wasu Gidajen Patience Jonathan Ga Gwamnati




Wata kotun tarayya da ke zamanta a Abuja ta damkawa gwamnatin tarayya wasu gidaje guda biyu mallakar Uwargidan Tsohon Shugaban Kasa, Patience Jonathan.
Rahotanni sun nuna cewa dukkanin gidajen guda biyu suna cikin Babban birnin tarayya Abuja ne wadanda aka mallake shi da sunan gidauniyar Ariwabai Aruera Reachout wadda Patience Jonathan ta kafa a zamanin mulkinsu.

Friday, 27 April 2018

Manoman Jihar Neja Ta Arewa Sun Samu Horo Akan Dabarun Noma Na Zamani

Taron bita da karawa juna sani akan sabbin hanyoyin dabarun noma na zamani ga manoman yankin Neja ta Arewa da sanata mai wakiltar Jihar Neja ta Arewa kuma mai magana da yawun majalisar dattijan Najeriya Dr. Aliyu Sabi Abdullahi (Baraden Borgu) ya shiryawa manomar yankinsa tare da hadin guiwar hukumar bunkasa harkar noma na jami'ar Obafemi Awolowo.

Taron bitar na yini biyu da ya gudana a dakin taro na hukumar gidan gona na Kontagora yasamu halartar manoma daga kananan hukumomi 8 dake yankin inda manyan masana harkar noma daga jami'ar Obafemi Awolowo suka gabatar da lakcoci daban-daban ga manoman, tare da koyarwa na zahiri ga manoman.

Hakazalika anbaiwa manoman tallafin irin masara da dawa na zamani tare da tallafin naira dubu ashirin da hudu ga wadanda suka halarci bitan domin bunkasa harkar noma a yankin Neja ta Arewa da Kasa baki daya.

Ko a shekarar da ta gaba ta ya dauki nauyin shirin karawa juna ilimi ga malammai 125 wanda ya gudana a Safara Motel Kontagora tare da basu tallafin naira dubu talatin-talatin, sannan a wannan shekarar ya dauki nauyin karawa juna sani ga malamai 130 wanda ya gudana a garin New Bussa tare da basu tallafin dubu talatin talatin.

Bayan haka shirya shirin bada taffalin jarin sana'o'i na musamman ga mata 95 wanda ya gudana a Safara Motel Kontagora tare da basu tallafin naira dubu talatin-talatin, hakazalika ya sake shirya makamancin wannan horas wa a garin New Bussa.

Bangaren matasa ya daukin nauyin horar da matasa 100 daga kananan hukumomi 8 dake yankin sa a kwalejin koyon kiwon kifi tare da basu tallafi.

Majalisa Ta Nemi A Kafa Dokar Ta- Baci A Binuwa


▪ Ana Ingiza Rikicin Binuwai Ne Don A Raba Nijeriya — Buhari

Majalisar Dattawa ta kalubalanci Shugaba Muhammad Buhari kan ya kakaba dokar ta-baci a jihar Binuwai don ganin an kawo karshen zubar da jini da ake yi sakamakon rikicin makiyaya da manoma.

A nasa bangaren, Shugaba Buhari ya jaddada cewa masu Ingiza rikicin jihar Binuwai na neman wargaza Nijeriya inda ya gargadi al'ummar jihar kan su yi takatsantsa da makiyan kasar nan wadanda ke ingiza su kan kashe junansu.

Mai Magana Da Yawun Gwamnan Sokoto, Imam Imam Ya Rasu


Allah Ya yi wa Malam Imam Imam rasuwa da sanyin safiyar yau Juma'a bayan ya yi fama da gajeruwar rashin lafiya.

Shi dai marigayi Malam Imam Imam shine mai  magana da yawun Gwamnan jihar Sokoto Rt Hon Aminu Waziri Tambuwal.

Matasan Kiristoci Sun Kashe Musulmai 27 Tare Da Kona Masallatai Biyu A Jihar Binuwai

Rahotanni sun nuna cewa akalla mutum 27 ne aka kashe, yayin da wasu da dama suka jikkata a rikici na baya-bayan nan a Makurdi, babban birnin jihar Benue.

An kuma kona masallatai da kuma hasarar dukiya a harin wanda ake zargin na ramuwar gayya ne da ake zargin 'yan kabilar Tivi da kai wa Hausa/Fulani.

Wadansu da suka ga lamarin sun shaida wa BBC cewa wadansu gungun mutane ne suka "tare hanyoyin cikin gari tare da tsare mutane, inda suka rinka kashe su."

Rundunar 'yan sandan jihar ta ki cewa uffan kan bukatar da BBC ta mata na yin magana kan lamarin. Shi ma sakataren yada labaran gwamantin jihar, Terve Akase, ya ce ba shi da labarin harin.

Sai dai wani Basarake na kabilar Tivi, wadanda aka zarga da kai harin, ya ce suna iya kokarinsu domin ganin ba a kai hare-haren ramuwar gayya ba.

Wani dalibi da ya shida lamarin wanda ya nemi a sakaya sunansa, ya ce da idanunsa ya ga yadda gungun mutane suka "tare hanyar zuwa jami'ar garin kusa da wani asibiti suna tare mutane su doke su, kana kuma kuma su yi musu kwace sannan su kashe su."

Dalibin ya kara da cewa "Hausawa ne ko Musulmi ake yi wa hakan."

Shi ma babba limamin masallacin Izala na birnin, Sheikh Shu'aibu, ya shaida wa BBC cewa, da idanunsa ya ga "gawawwakin Musulmi da aka kashe 27" a asibitin koyarwa da ke birnin.

Limamin ya ce an ji wa wadansu "Musulmin rauni da dama," ba ya ga wadanda ba a gansu ba kuma.

Sheikh Shu'aibu, ya ci gaba da cewa, an "kona wadansu masallatai guda biyu" wadanda aka gyara su bayan an kona su a rikicin baya.

Sheikh Sha'aibu ya ce yanzu dai abin ya dan lafa, kuma dama lamarin dai yafi kamari ne a wajen birnin.

To sai kuma shugaban kabilar Tivi, Tar Makurdi Chief Sule Abenga, ya shaida wa BBC cewa:

"Na san cewa akwai zaman dar-dar a Makurdi, tun bayan da aka kashe wadansu limaman coci da wadansu Kiristoci, alamu suka nuna cewa za a iya daukar fansa,"

Ya ci gaba da cewa: "amma mun yi bakin kokarinsu don tabbatar da ganin hakan bai faru ba. Kuma shi bai san cewa mutanensu na aikata irin wannan ta'asa ba."

Matashiya.

Wannan zaman dar-dar din ya samo asali ne tun a ranar Talatar da ta gabata lokacin da ta bayyana cewa wadansu 'yan bindiga da ake zargin makiyaya ne sun shiga wata majami'a a wani kauye karkashin karamar hukumar Gwer.

Maharan sun kuma bude wuta irin ta kan mai uwa da wabi, al'amarin da ya yi sanadiyyar mutuwar mutum 17 ciki har da limaman coci biyu.

Rikicin manoma da makiyaya dai a Najeriya ya yi sanadin asarar rayuka daga dukkan bangarorin biyu.

Rikicin ya fi kamari ne a jihohin Filato da Benue da Taraba da Nassarawa da Kaduna.

A baya gwamnatin tarayya ta yi kira ga gwamnonin jihohin da lamarin ya shafa su samar da wuraren kiwo.

Sai dai gwamnonin sun yi fatali da wannan bukata, suna masu cewa ba su da isassun filayen da za su bayar.

Friday, 20 April 2018

Kisan Soja Ya Janyo Kona Gidaje 300 A Binuwai

Wasu sojoji sun kai wani mummunan hari a garin Naka da ke cikin karamar hukumar Gwer a jihar Binuwai inda suka kona gidaje har 300 sakamakon kashe wani soja da aka yi a kusa da garin.

Shugaban Karamar Hukumar, Francis Ayagah ya ce, wasu kangararrun matasa ne suka kashe Sojan kuma mazauna garin sun kama mutum biyar daga cikinsu bayan an yi zama da Kwamandan sojojin amma kuma kafin a mika su sai kawai sojojin suka kai farmaki. Ya kara da cewa mafi yawan gidajen da aka kona ba na wadanda ke da hannu wajen kisan Sojan ba ne.

An Fatattaki Wuraren Sayar Da Barasa Da Gidajen Karuwai A Jigawa

Biyo Bayan Zaman Kwamitin Kula Da Harkokin Tsaro Na Karamar Hukumar Hadejia Da Kuma Zaman Majalisar kansiloli Na Karamar Hukumar Da Aka Gudanar A Jiya Alhamis, Kwamitin Tsaro Na Karamar Hukuma Ya Karbi Koke-Koken Al'ummar Daban-daban Musamman Mutanen Dake Zaune A Unguwar Mai Randa Dake Kan Hanyar Kano Cikin Garin Hadejia, Dangane Da Yadda Wasu Tsiraru Suka Mayar Da Yankunan Matattarar Gidajen Siyar Da Barasa Da Bude Gidajen Mata Masu Zaman Kansu.

Sakamakon Karbar wannan Koke Da Yadda Hakan Ke Yin Barazana Da Zaman Lafiyar Al'umma Hadi Da Yinn Karan Tsaye Da  Addini Da Al'adun  Karamar Hukumar Hadejia.

Majalissar Kansilolin Karamar Hukumar  Bisa Jagorancin Kakakin Majalisaar Hon Dawaki Baffa, Hade Da Majalissar Harkokin Tsaro Na Karamar Hukumar Sun Zartar  Da Dokar Hana Sayar Da Giya A Dukkan Fadin Karamar Hukumar  Tareda Gidajen Mata Masu Zaman Kansu.

Inda A Yau Majalissar Kula Da Harkokin Tsaro Na Karamar Hukumar  Hadejia Wadda Ya Kunshi Shugaban Karamar Hukumar, Da Mataimakinsa,  Rundunonin Tsaro Na Yan sanda, DSS, Hisbah, Civil Defence, Immigration, Prison Service, Jamian Sojoji, Vigilante Dasauransu.

Sannan Kuma da Dukkannin Majalissar kansilolin Karamar Hukumar, Sukayi Tataki Zuwa Wannan Gidaje Dake Unguwar Mai Randa, Wajen Kulle Dukkannin Wannan Gidaje Na Sayar Da Giya Da Aiyukan Badala.

Hukumar 'Yan Sanda Ta Yi Wa Magu Karin Girma

Hukumar 'yan sanda ta kasa, a yau Juma'a ta sanar da karin girma ga manyan jami'an 'yan sanda 18.

Shugaban hukumar EFCC, Ibrahim Magu na daga cikin wadanda aka karawa girman.

Hukumar ta kara masa girma ne daga matsayin mataimakin kwamishanan 'yan sanda zuwa kwamishana.

Idan za a iya tunawa, shugaba Muhammadu Buhari ya nada Ibrahim Magu a matsayin shugaban hukumar EFCC domin yaki da cin hanci da rashawa. Amma duk da hakan, majalisar dattawa ta ki tabbatar da shi bisa wasu dalilai nasu.

Wannan sabon karin girma da aka yi wa su Magu,na kunshe ne cikin jawabin kakakin hukumar ta 'yan sanda, Ikechukwu Ani.

Thursday, 19 April 2018

Mutane Da Yawa Ba Su Fahimci Kalaman Shugaba Buhari Ba, Musamman Wasu 'Yan Arewa

Daga Comrade Affan Buba Abuya Gombe

Abun da Buhari yake nufi a fahimta ta, Matasa da yawa a yankin da ake tono mai suna zaman jiran a ba su kudi ba tare da sun yi aikin komai ba saboda a yankin su ake tono mai kamar yadda yanzu haka ake kashe biliyoyin kudi a wannan yanki ga wadanda basa aikin komai ba sa yiwa kasa wani katabus.

Da yawan su matasa ne masu zaman banza kuma ko karatu ba suyi ba, jira sukeyi a basu kuma wannan hali ba zai taba daurewa ba, ba zai taimaki tattalin arzikin kasa ba da rayuwar matasa a gaba.

Domin tabbatar da haka kaje garin ku cikin anguwanku zakaga yanda matasa suke zaman banza, ba karatu, ba sana’a kuma suna so suyi kudi sai KJK da shaye shaye da zama yan kalare sukeyi ko sara suka wasu gurbatattu suna amfani dasu a siyasa.

Muna tare da kalaman Shugaban Kasa Buhari, Allah ya shiryar mana da matasan mu.

Gwamnatin Jihar Kaduna Za Ta Kara Daukar Malaman Firamare Guda Dubu 13,665




Gwamnatin jihar Kaduna karkashin jagorancin Gwamnan Jihar Malam Nasiru Ahmad El Rufa'i, ta shirya tsaf domin sake daukar kwararrun Malaman Firamare 13,665, a wani shiri na kara inganta harkar ilimi a fadin jihar.
Kwamishinan Ma'aikatar ilimi ta Jihar Alhaji Ja'afaru Sani ya bayyana hakan, a yayin wani taron manema labarai da Ma'aikatar ta kira a ranar Larabar nan.

Rundunar 'Yan Sandan Neja Ta Kama Gaggan Barayin Da Suka Addabi Jihar



Daga Comrade Zakari Y Adamu Kontagora
A kokarin kawar da aiyukan ta'addanci bisa ga umarnin babban sufeton 'yan sandan Nijeriya Ibrahim Idris, rundunar 'yan sandan jihar Neja ta yi nasarar kama wasu gaggan masu laifi da suka hada da barayin shanu, masu garkuwa da mutane, barayin motoci, fyade, da wadanda suka mallaki bindigogi ba bisa ka'ida ba.
Rundunar tayi nasarar kama wadanda ake zargin ne a wani kwarya-kwaryar samame da ta gudanar a kananan hukumomin, Suleja (Madalla), Mashegu, da Tafa inda ta kama mutum 19 tare da makamai a hannun su, kamar yadda kakakin rundunar 'yan sandan na Jihar Neja Abubakar Dan Inna ya tabbatar.
Daga cikin wadanda ake zargin sun hada da Ali Muhammad dan garin Sawmil a karamar hukumar

Za Mu Sa Kafar Wando Daya Da Masu Cin Zarafin Mutane Masu Mutunci A Kafafun Sadarwa, Inji Rundunar 'Yan Sandan Kano


Rundunar 'yan sandan jihar Kano ta ce za ta sanya kafar wando daya da ma'abota shafukan sada zumunta wadanda suke cin mutumcin jama'a da yin kalaman tayar da tinziri.
Kakakin rundunar 'yan sandan jihar Kano, SP Majia, yace rundunar ta shirya tsaf wajen magance wannan matsala, inda ya ce sam ba daidai bane wasu tsirari su ringa amfani da wannan kafa wajen yin batanci ga masu mutunci ba, yace wasu na amfani da wannan kafa wajen zagin malaman addini da shugabanni ta hanyar hada hotunan su da matan banza ko dabbobi da yin zantukan da basu kamata ba.

An Gano Sandar Iko Na Majalisar Dattawa Da Aka Sace


Rundunar 'yan sandan Nijeriya ta bayyana cewa ta gano sandan iko na majalisar Dattawa wadda wasu 'yan daba suka sace a lokacin zaman majalisar a jiya Laraba.

Wednesday, 18 April 2018

Jiragen Yakin Nijeriya Sun Yi Luguden Wuta A Kan Mayakan Boko Haram


Jiragen yakin Amurka sun yi luguden wuta a kan wasu mayakan Boko Haram a gabashin Arege da ke yankin Tafkin Chadi inda aka hallaka wasu daga cikinsu tare da lalata motocinsu da ke dauke da makamai.

Majalisa Za Ta Binciki Sayen Jiragen Yaki Da Aka Sayo Kan Milyan 462


Majalisar Dattawa za ta binciki ministocin kudi da harkokin tsaro da kuma Shugaban Babban Bankin Nijeriya kan yadda suka yi gaban kansu wajen cire dala milyan 462 wajen sayo jiragen yaki daga Amurka.

Kotu Za Ta Bayyana Ranar Da Za A Bayyana Kudaden Da Aka Kashe Wajen Jinyar Buhari


Wata kotun tarayya ta sanya ranar 5 ga watan Yuni a matsayin ranar da za ta yanke hukunci kan karar da kungiyar ASRADI ta shigar bayan da Shugaban Babban Bankin Nijeriya, Godwin Emefiele ya ki amincewa da bukatar kungiyar na bayyana mata adadin kudaden da aka salwantar wajen jinyar Shugaba Buhari a London.

'Yan Daba Sun Arce Da Sandan Iko Na Majalisar Dattawa


Wasu 'yan daba da suka yi ikirarin suna tare da dan majalisar Dattawan da aka dakatar, Sanata Ovie Omo-Agege sun kutsa kai zauren majalisar inda suka arce da sandan ikon majalisar.
Rahotanni sun nuna cewa 'yan dabar wanda sun kai su goma sun iso harabar majalisar ce Jin kadan bayan isowar dakataccen dan majalisar inda suka shaidawa masu gadin zauren majalisar cewa suna tare da Sanatan ne wanda suka kuma arce da sandan ikon majalisar.

Monday, 2 April 2018

Sojoji Sun Kama 'Yan Ta'adda A Jihar Taraba

An kama su ne a yankin Mayo Ndaga dake jihar ta Taraba a jiya Asabar. Sannan kuma an gano makamai a wajensu.

Adam A. Zango Ya Kori Yaransa Baki Daya, Har Ma Da Wasu Abokansa


Rahotanni daga jihar Kaduna sun nuna cewa fitaccen jarumin finafinan Hausa Adam A. Zango ya kori yaransa baki daya, inda ya bayyana cewa daga yanzu ba shi ba su.

Rahotannin sun kara da cewa baya ga hadiman nasa da Adamu Usher ya sallama har da wasu daga cikin abokansa.

Majiyar ta kara da cewa daga cikin dalilan da ya sa Adam Zango yanke wannan hukuncin shine sau da yawa yaran nasa na ji kuma suna gani ana ci masa mutunci amma ba za su iya kare masa hakkin sa ba, inda a wasu lokutan ma da su ake haduwa a bata masa suna, duk da cewa yana biya musu bukatunsu daidai gwargwado.

Saturday, 31 March 2018

Shugaba Buhari ya bada umarnin harbe duk wanda aka gani da bindiga a Zamfara


Shugaba Buhari ya bada umarnin harbe duk wanda aka gani da bindiga a Zamfara
Wannan na zuwa ne sakamakon yadda 'yan bindiga ke ci gaba da kashe jama'a babu kakkautawa.


Check our new Website more updates http://insidearewa.com.ng/

Dalilin Da Ya Sa PDP Ta Nemi Gafarar Al'ummar Nijeriya — Fadar Shugaban Kasa


Fadar Shugaban Kasa ta shawarci al'ummar Nijeriya kan su yi takatsantsa da gafarar da jam'iyyar PDP ta nemi a gare su inda ta nuna cewa jam'iyyar ta yi haka ne saboda tana son sake kafa gwamnati ta kowace irin hanya.

An Kama Barayin Shanu A Jihar Taraba


Jami'an sojojin dake farauta a garin Mambilla sun yi nasarar kama wasu barayin shanu su shida tare da gano shanu 30 a garin Mayo-Ndaga dake karamar hukumar Sardauna a jihar Taraba.
A yayin da yake jawabi a lokacin da ake gurfanar da wadanda ake zargin, kwamandan dakarun sojojin, Laftanal Kanal Sani Adamu ya bayyana cewa an kama barayin ne a wani daji dake yankin a yayin da suke kan farauta.

Sunday, 25 February 2018

Several APC members in Benue decamp to PDP


Some members and supporters of the ruling All Progressives Congress (APC) have decamped to the Peoples Democratic Party (PDP) in Benue State.
The members who celebrated their defections on Saturday in Otukpa, headquarters of Ogbadibo Local Government Area of the state, said they were exiting the APC because of the “federal government’s poor handling of the incessant attacks and killings of the people by Fulani herdsmen”.

Zamfara Police Kill Suspected Kidnapper, Recover Arms


The Zamfara State Police Command said on Sunday it had killed a notorious kidnapper, arrested eight others and recovered arms.
Its commissioner, Mr Kenneth Embrimson, who displayed the corpse of the said kidnapper, told newsmen in Gusau that he was killed in a gun battle with security operatives.

Niger Government Reduces Cost Of Motorcycle Number Plates


Gov. Abubakar Bello of Niger has approved a reduction in the cost of number plates for motorcycle owners, pegging the fee at N3,500 from N6,200, a government statement said on Sunday in Minna.
The statement signed by Malam Jibrin Ndache, Bello’s Chief Press Secretary, said that motorcycle owners had been given up to April 1, to register their vehicles.